ოცნების ბაღი საკუთარი ხელით. ნაწილი II

7პოსტის დასაწყისის წასაკითხად გადადით ამ ლინკზე.

აზომვა

როდესაც თქვენი მომავალი ბაღის სტილს აირჩევთ, შეუდექით შემდეგ ეტაპს – ნაკვეთის აზომვას. უნდა გაარკვიოთ მისი კონფიგურაცია (სწორკუთხა, ტრაპეცია, არათანაბარი ფორმა და სხვ.), ასევე აღნიშნოთ უსწორმასწორობები და რელიეფის ცვლილებები.

ყურადღება მიაქციეთ, როგორ არის განათებული ნაკვეთი დღის განმავლობაში და საით მიცოცავს ჩრდილი. გარდა ამისა, უნდა გადაწყვიტოთ, რელიეფის რომელ დეტალებს დატოვებთ (მაგალითად, ასაკოვანი ხეები და ბუჩქები) და რას მოიშორებთ თავიდან (ძველი  ჯირკები, ზედმეტი ხრეში და ქვები ან ნახევრად დანგრეული ქოხი).1

მიღებული მონაცემების გამოყენებით დახაზეთ ბაღის სქემა შემდეგი მასშტაბის გათვალისწინებით – 1:100 ან 1:50. გარდა ზომებისა, გეგმაზე მიუთითეთ მიმართულებები – აღმოსავლეთი, დასავლეთი, ჩრდილოეთი და სამხრეთი.

თუ სახლისა და სხვა შესაძლო შენობების ნახაზები უკვე გაქვთ, სჯობს ისინიც შესაბამისი მასშტაბით გამოსახოთ. ეს ეხება ძველ ხეებს, ბუჩქებს ან შენობებს, რომელთა დატოვებასაც აპირებთ.

ამოძრავეთ მიღებული მაკეტები ნახაზზე, სანამ სახლისა და სხვა სასურველი ნაგებობების განსათავსებლად ყველაზე სწორ ვარიანტს არ იპოვით.

როდესაც ნაკვეთზე ბაღის მსხმოიარე მცენარეების, ბოსტნის, ყვავილნარების, წყალსაცავის, ბილიკებისა და წყალსაცავის განთავსებას გადაწყვეტთ, აუცილებლად გაითვალისწინეთ სახლების განლაგება მიმდებარე ტერიტორიაზე, ბაღის ყველა ელემენტის შესაძლო ადგილმდებარეობა მზის განათების მიმართ, ასევე ნაკვეთის რელიეფი და გრუნტი.

თუ თქვენი ნაკვეთი დიდი არ არის, ნუ ეცდებით მასში მეტისმეტად ბევრი ყვავილნარის, ფანჩატურის, ბაღის სკულპტურისა თუ სხვა დეკორატიული ელემენტების “ჩატენვას”.

გახსოვდეთ, რომ გაზონი ნაკვეთის მთელ სიგანეზე პატარა ბაღს ვიზუალურად ადიდებს. ფართობის შეზღუდულობა ხშირად ისეთივე ხრიკების გამოყენებას გვაიძულებს, რასაც პატარა ოთახის დეკორირებისას მივმართავთ. მაგალითად,  სახლისკენ მიმავალი ბილიკი შეიძლება დიაგონალურად ან ზიგზაგისებურად განვათავსოთ, რათა გაიხსნას ბაღის  ხან ერთი და ხან მეორე კუთხე, ხოლო ბაღის საზღვრები ყვავილოვანი ბუჩქებითა და ხეებით დავფაროთ.

როდესაც ამ ყველაფერს დაემატება მოპირკეთებული ან მოხრეშილი ბილიკები, დეკორატიული ბადეები, პატარა წყალსაცავი – ყველა ეს დეტალი  ბაღსაც გაალამაზებს და არც  ზედმეტი დეტალებით გადატვირთავს. 11რა ალამაზებს ბაღს?

წინასწარ მოფიქრებული დეკორატიული აქცენტები – მზის საათი, დიდი ქვები, უცნაური ხეები ბაღს განსაკუთრებულ მიმზიდველობას ანიჭებს. და თუ უკანა პლანზე ლამაზი პანორამა იშლება, ამ ყველაფრის ერთობლიობამ ეფექტური სურათი შეიძლება შექმნას.

ბაღის დაგეგმვა ისეც შეიძლება, რომ მისი საზღვრების განსაზღვრა შეუძლებელი იყოს. ამ შემთხვევაში ნაკვეთის ფართობი უფრო დიდი გამოჩნდება. ამ ეფექტის მიღწევა მაღალი ბუჩქებით ან თაღითაც შეიძლება.

37

16მაშინაც კი, თუ ნაკვეთი სწორია, ნარგავები უფრო მიმზიდველად სხვადასხვა დონეზე -ტერასებზე გამოჩნდება. ბალახოვანი მცენარეები შეიძლება უფრო მაღალი ბუჩქების ფონზე განთავსდეს, შემდეგ ხვიარა მცენარეები და ხეები.

ძალიან მნიშვნელოვანია კონტრასტების გამოყენება. გაკრეჭილი გაზონი განსაკუთრებით ლამაზია ფუმფულა ყვავილნართან, ხრეშის ინტენსიური გამოყენება ყვავილების სინაზეს უსვამს ხაზს, ხოლო წყლის სიგლუვე ქვების უხეშ ზედაპირს გამომხატველობას ანიჭებს.

15ყველა ზონას თავისი ხასიათი აქვს

გეგმის შედგენისას სასურველია ნაკვეთის ფართობი რამდენიმე ნაწილად დაიყოს და ფუნქციური ზონები მკვეთრად გაიმიჯნოს. ასეთი დაყოფა ტერიტორიის სრულად გამოყენებას უწყობს ხელს და მის ექსპლუატაციას მოსახერხებელს ხდის.

შეიძლება გამოიყოს შემდეგი ძირითადი ზონები: საერთო ზონა, რომელიც მოიცავს შემოსასვლელ მოედანს სახლის წინ, პატიო, შემოსაზღვრული ყვავილნარი, კუთხე წყნარი დასვენებისთვის, აუზი, ბარბექიუს პატარა მოედანი თავისი გადახურვით.

39ბაღ-ბოსტნისა და სამეურნეო ზონები შეიძლება შედგებოდეს სხვადასხვა დანიშნულების ნაგებობებისგან (მაგალითად, ეს შეიძლება იყოს პატარა სახელოსნო ან ინვენტარის საწყობი, საუნა, ავტოფარეხი და სხვ), მარანი, გარე სამზარეულო და სხვ.

26საექსპლუატაციო და ესთეტიკური მოსაზრებით სამეურნეო ნაგებობების უმეტესობა (ავტოფარეხის გარდა) სჯობს ნაკვეთის სიღრმეში განთავსდეს. უკეთესი იქნება, თუ მსგავსი ნაგებობები სტიქიურად კი არ აშენდება და მიმოიბნევა ბაღის სხვადასხვა კუთხეში, არამედ  ერთ მოედანზე – სამეურნეო ეზოში დაჯგუფდება.

ამასთან ცუდი არ იქნებოდა, თუ რამდენიმე ნაგებობას ერთში მოვათავსებდით – ეს, ერთი მხრივ, ფართობს დაზოგავდა, მეორე მხრივ კი სამშენებლო მასალებს და შესაბამისად, დროსა და ფულს. ყველა საჭირო ნაგებობის ერთ კომპაქტურ ჯგუფში განთავსება ყოველთვის დადებითად აისახება როგორც ნაკვეთის სანიტარულ მდგომარეობაზე, ისე მის ესთეტიკურ ღირებულებაზე.

27მას შემდეგ, რაც გეგმა შედგენილია და დახაზული, ის  რეალობაში უნდა გადავიტანოთ. ანუ მიწაზე აღვნიშნოთ გეგმის ძირითადი ელემენტების განლაგება. ამისთვის დაგჭირდებათ სახაზავი, საზომი კაბელი ან ძაფი და გრძელი ლურსმნები. მათი დახმარებით გეგმის ხაზებს მიწაზე გადაიტანთ და აღნიშნავთ, ლურსმნებს კი მყარად დააფიქსირებთ მიწაში.

იმავდროულად შეამოწმეთ, მუშაობს თუ არა რეალობაში თქვენი “ქაღალდის პროექტი”.  მაგალითად, არ დაგავიწყდეთ, რომ ყვავილნარებს ჩვეულებრივ კარგი განათება და მზის სხივები სჭირდება. იგივე ეხება  პატარა წყალსაცავსაც, რომელიც სასურველია ხეების ქვეშ არ იყოს დამალული.

მზის სინათლე დღეში რამდენიმე საათის განმავლობაში მაინც გაზონისთვისაც აუცილებელია, თუმცა, ჩვეულებრივი ბალახი ჩრდილის ამტანი მცენარეებით შეიძლება შეიცვალოს. ყველაზე ჩრდილიან ადგილებში დარგეთ ჩრდილის მოყვარული ბუჩქნარები, მცენარეები და იქვე განათავსეთ სამეურნეო შენობა და კომპოსტის ორმო, რომლის შენიღბვაც ისევ და ისევ ნარგავებითა და დეკორატიული ბადეებით, ასევე ხვიარა მცენარეებით შეიძლება.

19დეკორატიული კამუფლაჟი

კომპოზიციის საინტერესო დეტალად მკვდარი ხეც კი შეიძლება გადავაქციოთ. დარგეთ მის ირგვლივ, მაგალითად, კლემატისი ან რომელიმე სხვა მცენარე და დადგით ძელსკამი. ასევე ხის ზედა ნაწილზე ჩიტებისა და (თუ გაგიმართლათ, ციყვების) საკვები კონსტრუქცია შეიძლება დაამაგროთ.

20ულამაზო ბეტონის კედლები შეღებეთ და ხის შირმებით დაფარეთ. დირეებთან ჰორიზონტალური მავთული მიამაგრეთ და მარადმწვანე მცენარეები – სურო ან კლემატისი დარგეთ. მცენარეები სწრაფად შენიღბავენ როგორც კედლებს, ისე სახურავს.

თუ ბეტონის კედლებს  ბზარები აქვს, ისინი სუბსტრატით შეავსეთ, ნაკლებად ჭირვეული ალპური მცენარეები დარგეთ და ეფექტური ყვავილოვანი კედელი გამოგივათ.

ასევე შეიძლება გააკეთოთ ალპური გორაკებიც.

35სწორი ბეტონის ბილიკები ბაღში როგორღაც მოსაწყენია. თუმცა ისინი უფრო მხატვრული შეგიძლიათ გახადოთ, თუ კიდეების გასწვრივ ბუჩქებს ან ხვიარა მცენარეებს დარგავთ. 

24

Advertisements
Comments
7 Responses to “ოცნების ბაღი საკუთარი ხელით. ნაწილი II”
Trackbacks
Check out what others are saying...
  1. […] კი მეზღაპრეს პარკი არ მოეწონა. „საბავშვო“ ბაღის შემქმნელებმა კი მონდომებით მორთეს […]

  2. […] იმისა, რომ ჰელიგანის ბაღები დიდი ხნის განმავლობაში იყო […]

  3. […] ბაღის დიზაინის  შესაქმნელად გამოყენებულია რკინის კონსტრუქცია და თლილი ქვა. სასადილო კუთხე, სკამები, შეზლონგები და ძელსკამები მთლიანად ხისგანაა დამზადებული. […]

  4. […] პოსტის მეორე ნაწილის წასაკითხად გადადით ამ ლინკზე. […]

  5. […] ის 1880 წელს აღმოაჩინეს და ამის შემდეგ მოყვარულ მებაღეებს შორის ერთ-ერთი ყველაზე გავრცელებული […]

  6. […] სანათები შეგიძლიათ ბაღის პატარა დეკორაციების, მაგალითად, […]

  7. […] ულამაზესი მცენარეებისა და ზამთრის ბაღების […]



  • 2015 წლის ჰოროსკოპი ზოდიაქოს ნიშნებისთვის

  • აღმოსავლური ჰოროსკოპი 2015

  • კარიერისა და ფინანსების ჰოროსკოპი 2015

  • სიყვარულის ჰოროსკოპი – 2015

  • მასტერკლასი: დეკორატიული ქილები

  • ადრენალინისთვის: ცაში გამოკიდებული აუზები

  • ყველაფერი დისნეილენდის შესახებ

  • სუპერჯიპი ENER-G-FORCE 2025

  • ევროპის რომანტიკული ოტელების ათეული

  • სენდვიჩ არტი FUNKY LUNCH-ისგან

  • საბავშვო ჭურჭელი: ტრანსპორტი თეფშებზე

  • იტალიური სალათი "კაპრეზე"

  • დები გოარდის რეალისტური ტორტები

  • განძის მაძიებლობის თვითმასწავლებელი

  • 3 მილიონად ღირებული სახლი ბორბლებზე

  • გლამურული ლოფტი ნიუ იორკში

  • მასტერკლასი: ექსკლუზიური საპონი

  • მალდივის კუნძულები: სასტუმრო ნავზე

  • ვანესა დუალიბის ფუდარტი

  • იდეები რომანტიკული საღამოსათვის

  • ქაფქეიქის იოლი რეცეპტი და გაფორმება

  • გამაოგნებელი სიმინდის ლაბირინთები

  • მარშმელოუს ისტორია და რეცეპტი

  • მარილის სასტუმრო ბოლივიაში

  • წყალქვეშა ფუტურისტული სასტუმრო

  • გამჭვირვალე IPAD-ის კონცეფცია

  • ჰემლოფტი – საიდუმლო სახლი ხეზე

  • მდიდრული ვილა ლაგუნა ბიჩზე

  • ოცნების სახლი სიეტლის ტყეში

  • დუბაის საოცარი ბაღები

  • “ყოჩაღი სახლი” ბევერლი ჰილსზე

  • RALSTON AVENUE – რეზიდენცია კალიფორნიაში

  • ბრაზილია: არაჩვეულებრივი სახლი პლაჟზე