გასართობი კომპლექსი დისნეილენდი-პარიზი

1-disneyland-paris

ადგილმდებარეობა: 32 კილომეტრი პარიზიდან.

გახსნის თარიღი: 1992 წელი.

თავისებურება: ევროპის უდიდესი გასართობი კომპლექსი, რომელიც შედგება ორი პარკ-ატრაქციონისგან, გოლფის მოედნისა და ათი სასტუმროსაგან. 

5-disneyland-paris

ყოველწლიურად საფრანგეთის დისნეილენდს 13 მილიონ ადამიანზე მეტი სტუმრობს.

ფაქტობრივად, ეს არა მხოლოდ ატრაქციონების პარკია, არამედ უზარმაზარი გასართობი კომპლექსი, რომელიც 2 ათას ჰექტარ ტერიტორიას იკავებს და  შედგება ორი თემატური პარკისა და გოლფის მოედნისგან (Golf Disneyland).

ასევე პარკის ტერიტორიაზე განთავსებულია პატარა სოფელი Disney Village უამრავი მაღაზიით, რესტორნით, სუვენირების მაღაზიით (რომლებიც მაშინაც კი მუშაობს, როცა პარკი დახურულია).

10-disneyland-paris

აქვეა ათი 3, 4 და 5- ვარსკვლავიანი სასტუმროც.

3-disneyland-paris-hotel

Disneyland Resort Paris ატრაქციონების ორი სხვადასხვა პარკისგან შედგება: პირველია Disneyland Park, რომელიც 1992 წელს გაიხსნა და მეორე – Walt Disney Studios Park, რომლის გახსნის ცერემონიაც 2002 წელს გაიმართა.

Disneyland Park – ესაა სახელგანთქმული კომპლექსის ძირითადი ნაწილი, რომელიც კალიფორნიის დისნეილენდის მსგავსადაა მოწყობილი. ის გაყოფილია ხუთ თემატურ ზონად, რომელთაგან თითოეული ზღაპრებისა და ცნობილი ფილმების ჯადოსნურ სამყაროში მოგზაურობის საშუალებას იძლევა.

27-disneyland-paris

Disneyland Paris – Main Street

პარკში შესვლისას ადამიანი ხვდება აშშ-ის მთავარ ქუჩაზე – Main Street USA, რომელიც XIX  საუკუნის ამერიკული ქალაქის სტილშია გადაწყვეტილი. აქ არის მაღაზიები, რესტორნები და სილამაზის სალონებიც კი.

OLYMPUS DIGITAL CAMERA

პარკის ამ ნაწილის მთავარი ატრაქციონები სტუმრებს აუჩქარებელ კვლევით მოგზაურობას სთავაზობს, აქვე არის ვაგზალიც, საიდანაც ორთქლმავლები გადიან.

48-Disneyland_Paris_Railroad_at_Main_Street_USA_Station

გარდა ამისა, პარკის სწორედ ამ ნაწილში იმართება დისნეის გმირების ულამაზესი აღლუმები და საღამოს წარმოდგენები.

14-disneyland-paris 15-disneyland-paris

აქვე იმართება დისნეილენდის სახელგანთქმული ფეიერვერკები მძინარე მზეთუნახავის კოშკის თავზე.

18-disneyland-paris

Main Street USA-დან პარკის სხვა თემატურ ზონებში შეიძლება გადასვლა.

Disneyland Paris

უფროსებს, რომლებსაც ადრენალინის მოწოლა უნდათ იგრძნონ, ალბათ, ურჩევნიათ პირდაპირ თავგადასავლების ქვეყნისკენ – Adventureland-სკენ გაემართონ, სადაც მათ ატრაქციონი Indiana Jones and the Temple of Peril, ამერიკული მთები Big Thunder Mountain ელით.

13-disneyland-paris 19-disneyland-paris-Big_Thunder_Mountain_at_Disneyland_Paris

აქვეა ატრაქციონი Pirates of the Caribbean ელით, რომლის დეკორაციები ამავე სახელწოდების ფილმს მოგაგონებთ.

28-disneyland-paris Disneyland Paris Becomes One Of Europe's Most Popular Attractions

ასევე შეგიძლიათ მოხვდეთ ველურ დასავლეთში – სასაზღვრო ქვეყანაში Frontierland, სადაც ნერვების გვარიანად შერყევა შეიძლება მოჩვენებათა სახლში Phantom Manor.

49-disneyland-paris-manor_catacombs 50-disnayland-paris-manor

შეგიძლიათ გაისეირნოთ ტომ სოიერის დროინდელ თბომავლებზე, შეხვდეთ კოვბოებსა და ინდიელებს.

37-disneyland-paris-Big-Thunder- Mountain-Railroad

სამეცნიერო ფანტასტიკის მოყვარულებს იწვევს Discoveryland.

52-disneyland-paris

პარკის ეს ნაწილი ჟიულ ვერნის სათავგადასავლო რომანის მოტივებზე აშენდა – მომავლის შესახებ იმ წარმოდგენების მიხედვით, რომლებიც XIX საუკუნეში არსებობდა.

21-disneyland-paris

ამ ნაწილის ყველაზე ცნობილი ატრაქციონია – Space Mountain: Mission 2, ერთ-ერთი ყველაზე პოპულარული ატრაქციონი პარიზის დისნეილენდში.

41-disneyland-paris

მძინარე მზეთუნახავის ციხესიმაგრე

ყველაზე მცირეწლოვან სტუმრებს ელის Fantasyland – ფანტაზიების ქვეყანა, რომელიც სავსეა მსოფლიოს სხვადასხვა ქვეყნის საყვარელი ზღაპრების მოტივებზე შექმნილი ატრაქციონებით.

39-disneyland-paris-fantasyland

სწორედ აქ მდებარეობს ფრანგული დისნეილენდის სიმბოლო – მძინარე მზეთუნახავის ულამაზესი ციხესიმაგრე.

22-disneyland-paris

მეზობელ ატრაქციონებზე ბავშვები სეირნობენ ალისას საოცრებათა ქვეყნის ლაბირინთში, ადიან ფუნიკულიორზე პიტერ პენთან ერთად, მოგზაურობენ პინოქიოს თანხლებით, ხოლო ატრაქციონზე „ფიფქია და შვიდი ჯუჯა“  ფიფქიას ჯადოსნურ ისტორიას იხსენებენ.

17-disneyland-paris

მეორე პარკი Walt Disney Studios Park საინტერესოა მათთვის, ვინც კინოწარმოების პროცესის შიგნიდან ნახვაზე ოცნებობს. მაგალითად, ატრაქციონ Studio Tram Tour-ზე თქვენ გაისეირნებთ ორთქლმავალზე სხვადასხვა ანიმაციური თუ მხატვრული ფილმის (101 დალმატინელი, პერლ ჰარბორი, კურდღელი როჯერი და სხვ.) დეკორაციებით.

16-disneyland-paris

დღისით იმართება კასკადიორთა შოუ Moteurs… Action! სადაც ავტომობილებსა და მოტოციკლებზე თავბრუდამხვევი ილეთები სრულდება – ამის საკუთარი თვალით ნახვა, რათა გაიგოთ, როგორ იღებენ ამერიკულ მძაფრსიუჟეტიან ფილმებს, ნამდვილად ღირს!

პარკის ამ ნაწილში განლაგებულია ერთ-ერთი ყველაზე საინტერესო ატრაქციონი – Rock ’n’ Roller Coaster. ესაა დახურული ამერიკული მთები, რომლებზე მთელი მოგზაურობაც მიმდინარეობს (თუ მიფრინავს) ჯგუფ Aerosmith-ის მუსიკის თანხლებით.

2007 წელს პარკში გაიხსნა კიდევ რამდენიმე ატრაქციონი პოპულარული ანიმაციური ფილმების – „ნემოსა“ და „მანქანების“ მოტივებზე.

38-disneyland-paris-Studios

აღსანიშნავია, რომ პარიზის დისნეილენდი არა მხოლოდ ყველაზე დიდი, არამედ ყველაზე პოპულარული პარკია ევროპაში და, შესაბამისად, აქ მუდმივად უამრავი ხალხი ტრიალებს.

რადგან ყველაზე პოპულარულ ატრაქციონებთან ყოველთვის უზარმაზარი რიგებია (ხანდახან ხალხს 2 საათი უწევს ცდა), პარკში არსებობს სერვისი FastPass. ესაა უფასო ბილეთები, რომლებითაც  ატრაქციონებზე ურიგოდ შესვლა შეიძლება. მათი აღება შესაძლებელია ავტომატებში, რომლებიც ატრაქციონებთანაა დამონტაჟებული. ბილეთები მხოლოდ ერთი საათის განმავლობაშია მოქმედი. FastPass-ის რაოდენობა შეზღუდულია, მათი აღება მხოლოდ საათში ერთხელ შეიძლება. მართალია უნდა აღინიშნოს, რომ აქტიურ სეზონზე ყველაზე პოპულარულ ატრაქციონებზე მეორე რიგი დგას ხოლმე: ერთი – ჩვეულებრივი, მეორე ცოტა უფრო მოკლე რიგი – FastPass-ებით.

Toy Story Playland

ატრაქციონი სახელწოდებით Toy Story Playland სტუდია Pixar-ის წარმოებული პროდუქციის მოტივებზეა აგებული.

40-disneyland-paris

ეს შედარებით ახალი ატრაქციონი სტუმრებს ილუზიას უქმნის, რომ ისინი სათამაშოების ნამდვილ სამყაროში მოხვდნენ და მათსავით დაპატარავდნენ – მათ აქ ხვდება გიგანტური ზომების ბაზ ლაითერი, უზარმაზარი კუბები და სხვა სათამაშოები.

26-disneyland-paris 34-disneyland-paris

ეფექტის გასაზრდელად ატრაქციონის ირგვლივ 9-მეტრიანი ბამბუკის ხეები დაირგო, რომლებიც კარგად არის შეხამებული პარკის ტერიტორიაზე არსებულ 30 მეტრამდე სიმაღლის საუკუნოვან ხეებთან.

Toy Story Playland შედგება ორი ამერიკული მთისა და ორიგინალური კარუსელისგან. ატრაქციონის გვერდით აშენებულია დიდი საბავშვო მოედანი. პოპულარული მულტფილმის მესამე ნაწილის თაყვანისმცემლები, ალბათ სათანადოდ შეაფასებენ ამ ულამაზეს სანახაობას.

44-disneyland-paris-toy-story-parade

მთლიანობაში ფრანგული დისნეილენდი იმად ნამდვილად ღირს, რომ ცხოვრებაში ერთხელ მაინც ესტუმრო, უდარდელ დასვენებასა და თავგადასავლებში ჩაიძირო  და ცხოვრება ლამაზი ემოციებით აავსო.

ტექნიკური დეტალები

29-disneyland-paris

ცხადია ასეთი უზარმაზარი ტერიტორიის ერთ დღეში შემოვლა შეუძლებელია, ამიტომ პარიზის დისნეილენდში ჩასვლა მინიმუმ 2 დღით მაინც არის რეკომენდებული. როგორც აღინიშნა, სტუმრებისთვის კომფორტის შექმნის მიზნით აქ არის სხვადასხვა კატეგორიის ათი სასტუმრო, რომლებში ადგილის წინასწარ დაჯავშნაა საჭირო.

4--disneyland-paris

მათთვის, ვინც ორი, სამი, ოთხი ან ხუთი დღით ჩადის, ბილეთების მრავალნაირი ვარიანტი არსებობს.

გასართობი პარკის სამუშაო რეჟიმი: მთელი წელი

32-disneyland-paris

სამუშაო საათები: პარკები ღიაა 10:00 საათიდან, ხოლო დახურვის დრო კონკრეტულ თარიღებზეა დამოკიდებული. განრიგის დაზუსტება დისნეილენდის ოფიციალურ საიტზეა შესაძლებელი.

ბილეთები: პარკი სტუმრებს ფასდაკლების მრავალგვარ ვარიანტს სთავაზობს. ორი, სამი, ოთხი და ხუთი დღის ბილეთების ყიდვით ორ პარკში, მნიშვნელოვნად დაზოგავთ თანხას. ფასებისა და ფასდაკლების სქემის ნახვაც საიტზეა შესაძლებელი. ორიენტირისთვის კი ვიტყვით, რომ ერთდღიანი ბილეთების ღირებულება უფროსებითვის 1 დღით ერთ პარკში 50 ევროს შეადგენს, ხოლო ერთი დღით ორ პარკში – 60 ევროს.

ბავშვის ბილეთი 3-დან 11 წლის ჩათვლით ღირს 42 ევრო (ერთი დღე, ერთი პარკის არჩევით) და 52 ევრო (ერთი დღე, 2 პარკი).

სამ წლამდე ბავშვების შესვლა უფასოა.

როგორ უნდა მიხვიდეთ: 32 კილომეტრი პარიზის აღმოსავლეთით. ავტოსტრადა А4, გადასასვლელი №14, შემდეგ პარკის მანიშნებლებით.

მატარებლებზე RER: ხაზი А ბოლო სადგურამდე Marne-La-Vallee/Chessy (დაახლოებით 35-40 წუთი), შემდეგ ფეხით.

ავტობუსით: შარლ დე გოლისა და ორლის აეროპორტიდან მოძრაობს ავტობუსები – 08:30-დან 19:30-მდე განრიგით, რომელიც შეგიძლიათ შეამოწმოთ შემდეგ გვერდებზე: visit.disneylandparis და vea.fr

31-disneyland-paris

პარიზის დისნეილენდის ოფიციალური საიტია: disneylandparis.com

უოლტ დისნეის ცხოვრებისა და კარიერის შესახებ წაიკითხეთ აქ.

Advertisements
Comments
One Response to “გასართობი კომპლექსი დისნეილენდი-პარიზი”
Trackbacks
Check out what others are saying...
  1. […] და  უამრავი ახალი სტუმარიც მიიზიდა. გასართობი პარკის ხელმძღვანელობამ პირობა დადო გახსნას […]



  • 2015 წლის ჰოროსკოპი ზოდიაქოს ნიშნებისთვის

  • აღმოსავლური ჰოროსკოპი 2015

  • კარიერისა და ფინანსების ჰოროსკოპი 2015

  • სიყვარულის ჰოროსკოპი – 2015

  • მასტერკლასი: დეკორატიული ქილები

  • ადრენალინისთვის: ცაში გამოკიდებული აუზები

  • ყველაფერი დისნეილენდის შესახებ

  • სუპერჯიპი ENER-G-FORCE 2025

  • ევროპის რომანტიკული ოტელების ათეული

  • სენდვიჩ არტი FUNKY LUNCH-ისგან

  • საბავშვო ჭურჭელი: ტრანსპორტი თეფშებზე

  • იტალიური სალათი "კაპრეზე"

  • დები გოარდის რეალისტური ტორტები

  • განძის მაძიებლობის თვითმასწავლებელი

  • 3 მილიონად ღირებული სახლი ბორბლებზე

  • გლამურული ლოფტი ნიუ იორკში

  • მასტერკლასი: ექსკლუზიური საპონი

  • მალდივის კუნძულები: სასტუმრო ნავზე

  • ვანესა დუალიბის ფუდარტი

  • იდეები რომანტიკული საღამოსათვის

  • ქაფქეიქის იოლი რეცეპტი და გაფორმება

  • გამაოგნებელი სიმინდის ლაბირინთები

  • მარშმელოუს ისტორია და რეცეპტი

  • მარილის სასტუმრო ბოლივიაში

  • წყალქვეშა ფუტურისტული სასტუმრო

  • გამჭვირვალე IPAD-ის კონცეფცია

  • ჰემლოფტი – საიდუმლო სახლი ხეზე

  • მდიდრული ვილა ლაგუნა ბიჩზე

  • ოცნების სახლი სიეტლის ტყეში

  • დუბაის საოცარი ბაღები

  • “ყოჩაღი სახლი” ბევერლი ჰილსზე

  • RALSTON AVENUE – რეზიდენცია კალიფორნიაში

  • ბრაზილია: არაჩვეულებრივი სახლი პლაჟზე